சகுனி படத்தை இயக்கிய இயக்குநர் தயாளன் மாரடைப்பால் உயிரிழந்துள்ளார்.
இவர் தற்போது யோகி பாபு, செந்தில், அகல்யா ஆகியோரை வைத்து ‘குழந்தைகள் முன்னேற்ற கழகம்’ என்ற படத்தை இயக்கியுள்ளார். இப்படத்தின் பர்ஸ்ட் லுக் சில மாதங்களுக்கு முன் வெளியானது.
படத்தின் முதல் பாடலான பாலிடிக்ஸ் தெர்லனா பூமரு பாடலின் லிரிக் வீடியோவை சில வாரங்களுக்கு முன் வெளியிட்ட படக்குழு படத்தின் டீசரையம் அண்மையில் வெளியிட்டது.
இந்நிலையில் திரைப்படத்தின் ப்ரோமோஷன் நிகழ்ச்சிகாக செல்லும் போது இயக்குநர் தயாளன் மாரடைப்பு ஏற்பட்டு உயிரிழந்துள்ளார். இவருக்கு வயது 54 என்பது குறிப்பிடத்தக்கது. கொளத்தூரில் உள்ள தனியார் மருத்துவமனையில் அவரை அனுமதித்து பரிசோதிக்கையில் உயிரிழந்துவிட்டதாக மருத்துவர்கள் கூறியுள்ளனர். இவரின் இறப்பு திரையுலகினரை அதிர்ச்சியில் ஆழ்த்தியுள்ளது.